Një 31 vjeçar nga Peja është arrestuar sot nga policia shqiptare në pikëkalimin kufitar të Muriqanit.

Bëhet fjalë për F.K, nga Peja i cili dyshohet për vepren penale të “Mashtrimit”.

Ai u kap në dalje të Shqipërisë, pasi ishte shpallur në kërkim ndërkombëtar nga organet e Kosovës.

“Shërbimet e Policisë Kufitare të PKK Muriqan, si rezultat i kontrolleve të shtuara dhe i shkëmbimit të informacionit me Interpol Tiranën, kanë kapur në dalje të RSh-së, shtetasin kosovar F. K., 31 vjeç, banues në Pejë. Ky shtetas ishte shpallur në kërkim ndërkombëtar, për veprën penale “Mashtrimi”, parashikuar nga Kodi Penal i Kosovës. Interpol Tirana, në bashkëpunim me autoritetet kosovare, do të kryejë procedurat për ekstradimin e 31-vjeçarit, në Kosovë”, thuhet në njoftim.